مملحات على شكل طاجين معمرين بالدجاج

مملحات من الشاف أمينة مشكورة على المجهود الجبار

العجينة  :

• الدقيق ¼ كاس زيت بلدية
• ملح
• ماء

التعميرة:

•  دجاج
• جوج بصلات
• كشير
• زيتون
• فلفلة
• فص ثوم
• شوية تاع لمعدنوس
• ملح
• ابزار

التزيين: 

• صفار بيضة مع شوية ديال الحليب
• بياض بيضة
• فرماج احمر محكوك

طريقة التحضير:
بالنسبة لعجينة نخلط جميع مقادير او نزيدو لما شوية بشوية (عينك ميزانك )حتى تجمع لعجينة او نغطوها لمدة ربع ساعة
تحضير التعميرة
  نقطعو لبصلة او نشدو دجاج و نصلقوه مع زيت بلدية و ملحة او بزار او نقطعوه طريفات او لفلفلة حتى هي نقطعوها طريفات او زيتون نقطعوه دواور او شوية ماشي بزاف تاع لمعدنوس مقطع مزيان او كشير كحكوك او نفرمو تومة ( او لي مكتعجبهاش متديرهاش ) نخلطو كلشي او نزيدو لملحة او لبزار .

الطريقة
نطلقو لعجينة ب لمدلك او نقطعوها دوائر قياس زلفة ديال دراري صغار او تديرو وسط كل دويرة معلقة ديال تعميرة ديالنا او نطلي جناب ديال دويرة ب لبيض ديال لبيض او نجيب دويرة جديدة او نسد بيها دويرة اللي عمرنا على شكل طاجين او نخلط لحليب او صفر ديال لبيض او نطليهوم بيه او ندخلهم لفران او نخليوهوم نص ساعة .
او بالصحة و الراحة